|
Հարցը ներկայացրեց համայնքի ղեկավարը՝ նշելով, որ համայնքապետարանի աշխատակազմի նախկինում հաստատված կառուցվածքում առանձնացված չեն եղել քաղաքական, հայեցողական պաշտոնները, ինչպես նաև համայնքային ծառայողների անվանացանկում աշխատակազմի քարտուղարի պաշտոնը, առաջարկում եմ Վարդենիսի համայնքապետարանի աշխատակազմի կառուցվածքում և անվանացանկում կատարել փոփոխություն՝ առանձնացնելով քաղաքական, հայեցողական պաշտոնները, ինչպես նաև՝ աշխատակազմի քարտուղարի պաշտոնը։ Համայնքապետարանի աշխատանքները առավել արդյունավետ կազմակերպելու և փաստաթղթաշրջանառությունը ավելի պատշաճ կազմակերպելու համար,նպատակահարմար եմ համարում ավելացնել << Քարտուղարության, անձնակազմի կառավարման, տեղեկատվական տեխնոլոգիաների>>> բաժին, որտեղ կունենանք բաժնի պետ,իսկ 1 գլխավոր մասնագետ և 10 առաջատար մասնագետ պաշտոնները առանձնացնելու ենք նախկին հաստիքացուցակի համայնքային ծառայողների պաշտոնների տողից և ներառելու տվյալ բաժնում։ Առանձնացնելու ենք նաև Աշխատակազմ տողը՝ ցանկում ներառելով կառուցվածքային ստորաբաժանումների մեջ չներառված մնացած 45 համայնքային ծառայողների պաշտոնները, այսպիսով համայնքապետարանի աշխատակազմի կառուցվածքն ու հաստիքացուցակը բերելով ՀՀ Կառավարության կողմից հաստատված օրինակելի ձևին։ Նշեմ նաև, որ դրույքաչափերում կատարվել են որոշակի փոփոխություններ, որը ներառված է Ձեզ ներկայացված նախագծում։
Առաջարկեց հաստատել ներկայացված ձևով՝ համաձայն 2-րդ հավելվածի։
Նշված փոփոխություններն ուժի մեջ կմտնեն ՀՀ կառավարության լիազորված պետական կառավարման մարմնի կողմից հաստատվելուց հետո։
Ելույթով հանդես եկավ ավագանու անդամ Դավիթ Շահնազարյանը առաջարկելով վերանայել և բարձրացնել հավաքարարների աշխատավարձը և խոշոր բնակավայրերի վարչական ղեկավարների աշխատավարձները, որին քվեարկության արդյունքում տվեցին համաձայնություն:
Քվեարկության արդյունքում 24 կողմ, 0 դեմ, 0 ձեռնպահ ձայների հարաբերակցությամբ հարցն ընդունվեց:
Քվեարկությունից հետո ավագանու անդամ Դավիթ Շահնազարյանը դուրս է գալիս նիստերի դահլիճից և չի մասնակցում հաջորդ հարցի քվեարկությանը:
|