Ելույթով հանդես եկավ համայնքի ղեկավար Ահարոն Խաչատրյանը ներկայացնելով օրակարգի հաջորդ հարցը: Համայնքի ղեկավարը նշեց, որ հարցը քննարկվել է դեռևս 2017թվականից , սակայն ոչ մի լուծում չի ստացել տվյալ հարցը քանի որ հարցի լուծման հետ կապված հիմնավորումներ չեն եղել: Համաձայն ջրային կոմիտեի գրության ըստ սահմանված կարգի համայնքը պետք է ներքին ցանցը նվիրի ջրային կոմիտեին, իսկ ջրային կոմիտեն պետք է վարձակալական հիմունքներով տրամադրի <<Վեոլիա ջուր>> ՓԲԸ-ին: Համայնքի ղեկավարը առաջարկեց անցկացնել հանրային լսումներ ու քննարկումներ և առաջիկա նիստերից մեկում հարցը նորից ընդգրկել ավագանու նիստերից մեկում: Հարցի շուրջը ելույթ ունեցավ <<Միասնական Վարդենիս>> խմբակցության ղեկավար Դավիթ Շահնազարյանը և ներկայացրեց խմբակցության դիրքորոշումը, որ քննարկվել է հարցը, սակայն որոշակի լուծում չգտնվեց, որը կբավականացներ մեր բնակչությանը և իրենք ևս կիսում ենք համայնքի ղեկավարի կարծիքը, և մենք ևս առաջարկում ենք անցկացնել հանրային լսումներ , հրավիրենք համապատասխան մասնագետների և՛ ջրային կոմիտեի կողմից, և՛ <<Վեոլիա ջուր>> ՓԲԸ-ի կողմից, ովքեր կներկայանան և հանրությանը իրենք կբացատրեն, և՛ իրենց բիզնես շահերը, և՛ այն ներդրումները, որ պատրաստ են անել Վարդենիս համայնքի համար:
|