Ելույթով հանդես եկավ համայնքի ղեկավար Ահարոն Խաչատրյանը ներկայացնելով օրակարգում ընդգրկված 2-րդ հարցը, այն իր մեջ ներառում էր հաստիքացուցակի փոփոխություն: Հարցի շուրջ ելույթ ունեցավ <<Քաղաքացիական պայմանագիր>> խմբակցության ավագանու անդամ Մուշեղ Շաբոյանը, ով նշեց, որ բնակչության մեծ մասը չգիտի ով է իրենց տարածքի անասնաբուժը, ուստի առաջարկեց բնակչության շրջանում կատարել իրազեկման աշխատանքաներ՝ անասնաբուժերի սպասարկման վայրերի վերաբերյալ: Ելույթ ունեցավ նաև <<Քաղաքացիական պայմանագիր>> խմբակցության ղեկավար Նաիրա Մանուչարյանը, ով նշեց, որ ներկայումս անհրաժեշտություն չի տեսնում 2 միավոր անասնաբուժ ավելացնել հաստիքացուցակում: <<Ահարոն Խաչատրյան>> խմբակցության անդամ Կարեն Մկրտչյանը հակադրեց տիկին Մանուչարյանին, նշելով որ կատարվել են համապատասխան ուսումնասիրություններ, որի արդյունքում  նպատակային է դարձել ավելացնել այդ հաստիքները, բնակչության սպասարկումը ավելի արդյունավետ դարձնելու համար: Հարցը դրվեց քվեարկության՝ արդյունքում 23 կողմ, 0 դեմ, 0 ձեռնպահ ձայների հարաբերակցությամբ հարցն ընդունվեց։