Համայնքի ղեկավար՝ Ահարոն Խաչատրյանը ներկայացրեց օրակարգի 4-րդ հարցը և առաջարկեց նախագծին հավանություն տալ նշված ձևով: Հարցի շուրջ ելույթ ունեցավ Քաղաքացիական պայմանագիր խմբակցության անդամ Մուշեղ Շաբոյանը, ով նշեց, որ նշված տեխնիկաները նախկինում մեկ տարի ժամկետով անվճար են եղել, քանի որ բնակչությունը անվճարունակ է: Համայնքի ղեկավար Ահարոն Խաչատրյանը հակադարձեց Շաբոյանին տալով պարզաբանում նախագծում ներկայացված սակագների վերաբերյալ: Հարցի շուրջ ելույթ ունեցավ Քաղաքացիական պայմանագիր խմբակցության ղեկավար Նաիրա Մանուչարյան, նշեց որ նախագծում նշված ավտոբուսները բնակչության ծառայելու համար են և ողջունելի է, ուստի առաջարկեց սակագինը սահմանել 1կմ-ի համար 120 ՀՀ դրամ: Ելույթ ունեցավ <<Ահարոն Խաչատրյան>> դաշինք խմբակցության անդամ Արման Մաթևոսյանը, նշեց որ տեխնիկաները իսկապես ծառայելու են բնակչությանը, սակայն շուկայական գնից ելնելով 1կմ-ի համար առաջարկվեց սահմանել 180 ՀՀ դրամ: Համանքի ղեկավարը առաջարկեց նախագծում ներառած 2-րդ հարցը թողնել անփոփոխ, 1-ին հարցում  ներառած JAC մակնիշի  մարդատար 3 միավոր մեքենաների համար սահմանել սակագին 1 կմ-ի համար 170 ՀՀ դրամ: Հարցը դրվեց քվեարկության, արդյունքում 13 կողմ , 9 դեմ, 1 ձեռնպահ  ձայների հարաբերակցությամբ հարցն ընդունվեց։