|
Համայնքի ղեկավարը առաջարկեց թույլատրել Վարդենիս համայնքի սեփականություն հանդիսացող (կադաստրային ծածկագիր՝ 05-005-0087-0011, սեփականության իրավունքի վկայական՝ 20092023-05-0070) Վարդենիս քաղաքի Խ. Ստեփանյան փողոց 15/1 հասցեի (երաժշտական դպրոց) անշարժ գույքի առաջին հարկը՝ ընդանուր 363․3 քմ մակերեսով, անհատույց օգտագործման իրավունքով՝ 5 (հինգը) տարի ժամկետով, տրամադրել Ամերիկայի Հայ Ավետարանչական ընկերակցությանը՝ Վարդենիս քաղաքում մինչև 60 երեխայի համար մանկական զարգացման և ցերեկային խնամքի կենտրոններ ստեղծելու նպատակով, որի համար կենտրոնում նախատեսվում է ունենալ մինչև 20 աշխատակից:
Համայնքի ղեկավարը նշեց, որ կազմակերպությունը ՝ըստ պայմանավորվածքության նախատեսում է վերանորոգել շեբքի տանիքը, վերանորոգել առաջին հարկը և հետագայում նաև երկրորդ հարկը: Նշեց նաև որ ծավալվող գուրծունեությունը ոչ մի կրոնական ուղղվածություն չունի:
Ելույթով հանդես եկավ ավագանու անդամ Նաիրա Մանուչարյանը, նշեց, որ խոսել է Տեր Հարություն քահանա Հունանյանի հետ իմանալու համար արդյոք տեղեկություն ունի, ծանո՞թ է, ուսումնասիրե՞լ է, ինչ են անելու: Նշեց, որ առաջին մասը համայնքի համար կարևոր, զարգացնող, շահեկան գործունեություն են ծավալելու շատ ողջունելի է: Նաիրա Մանուչարյանը նշեց, որ Տեր Հարությունը ծանոթ չէ և վստահ չէ, որ մանուկների հոգեկերտվածքին չեն վնասելու: Նաիրա Մանուչարյանը առաջարկեց հարցը տեղափոխել մինչև Վարդենիսի տարածաշրջանի հոգևոր հովիվն ուսումնասիրի և կողմնորոշի:
Համայնքի ղեկավարը նշեց, որ կա պայմանավորվածություն և չի կարող հետաձգել հարցի քննարկումը, հարցի վերաբերյալ քննարկում եղել է տարբեր անձանց հետ և հարցը որևէ կրոնաական ուղղվաշություն չունի:
Համայնքի ղեկավարը հայտարարեց քվեարկություն:
Քվեարկության արդյունքում 11 կողմ, 0 դեմ, 7 ձեռնպահ ձայների հարաբերակցությամբ հարցն ընդունվեց:
|