2023 թվականի հունվարի 24-ին կայացավ Վարդենիս համայնքի ավագանու արտահերթ նիստը: Ավագանու 27 անդամներից նիստին ներկա էին 21-ը, բացակայում էին <<Քաղաքացիական պայմանագիր>> խմբակցության անդամներ՝ Արամ Մելքոնյանը, Արտակ Մանուկյանը, Զավեն Շհոյանը, Սևակ Սիմոնյանը, Արմինե Աղաջանյանն ու <<Միասնական Վարդենիս>> խմբակցության անդամ՝ Արաքսյա Հայրապետյանը։ Նիստը իրավազոր է։ Նիստը վարում է համայնքի ղեկավար Ահարոն Խաչատրյանը։ Նիստին մասնակցում էին աշխատակազմի ֆինանսատնտեսագիտական եկամուտների հաշվառման և հավաքագրման բաժնի պետ Սեյրան Գրիգորյանը, աշխատակազմի կրթության, մշակույթի սպորտի, երիտասարդության և սոցիալական աջակցության բաժնի պետ Աննա Վարդանյանը, քաղաքաշինության,հողօգտագործման և հողաշինության բաժնի պետ Աբգար Աբգարյանը, համայնքի ղեկավարի խորհրդական Խաժակն Մկրտչյանը։ Համայնքի ղեկավար Ահարոն խաչատրյանը առաջարկեց մինչև նիստի օրակարգին անցնելը հոտնկայս մեկ րոպե լռությամբ հարգել սույն թվականի հունվարի 19-ին Վարդենիս համայնքի Ազատ գյուղում կատարված դժբախտ դեպքի արդյունքում զոհված զինծառայողների հիշատակը: Համայնքի ղեկավար՝ Ահարոն Խաչատրյանը ներկայացրեր օրակարգում ընդգրված հարցերը ըստ հերթականության: Օրակարգի հարցերի շուրջ ելույթ ունեցավ  <<Միասնական Վարդենիս>> խմբակցության ղեկավար Դավիթ Շահնազարյանը՝ առաջարկելով օրակարգում կատարել հետևյալ փոփոխությունները՝ 1-ին հարցով քննարկել ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ՎԱՐԴԵՆԻՍ ՀԱՄԱՅՆՔԻ 2023 ԹՎԱԿԱՆԻ ՏԱՐԵԿԱՆ ԲՅՈՒՋԵՆ ՔՆՆԱՐԿԵԼՈՒ ԵՎ ՀԱՍՏԱՏԵԼՈՒ ՄԱՍԻՆ, 2-րդ հարցով քննարկել ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ՎԱՐԴԵՆԻՍ ՀԱՄԱՅՆՔԻ ՂԵԿԱՎԱՐԻ ԱՇԽԱՏԱՎԱՐՁԻ ՉԱՓԸ ՍԱՀՄԱՆԵԼՈՒ ՄԱՍԻՆ հարցը, 3-րդ հարցով քննարկել ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ՎԱՐԴԵՆԻՍԻ ՀԱՄԱՅՆՔԱՊԵՏԱՐԱՆԻ ԱՇԽԱՏԱԿԱԶՄԻ ԿԱՌՈՒՑՎԱԾՔԸ, ԱՇԽԱՏԱԿԻՑՆԵՐԻ ԹՎԱՔԱՆԱԿԸ, ՀԱՍՏԻՔԱՑՈՒՑԱԿԸ ԵՎ ՊԱՇՏՈՆԱՅԻՆ ԴՐՈՒՅՔԱՉԱՓԵՐԸ ՀԱՍՏԱՏԵԼՈՒ ՄԱՍԻՆ հարցը, այնուհետև մնացած հարցերը քննարկել ըստ հերթականության: Ինչպես նաև <<Միասնական Վարդենիս>> խմբակցության ղեկավար Դավիթ Շահնազարյանը առաջարկեց, որպեսզի  ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻ ՄԱՐԶԻ ՎԱՐԴԵՆԻՍ ՀԱՄԱՅՆՔԻ ԱՎԱԳԱՆՈՒ 30․11․2022 ԹՎԱԿԱՆԻ N 123-Ա ԵՎ 26․12․2022 ԹՎԱԿԱՆԻ N 147-Ա ՈՐՈՇՈՒՄՆԵՐԻ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ հարցում ևս կատարվի փոփոխություն, զիջումների հետ կապված կատարել ոչ թե փոփոխություն, այլ կայացնել նոր որոշում: <<Քաղաքացիական պայմանագիր>> խմբակցության անդամ Նաիրա Մանուչարյանը առաջարկեց բյուջեի քննարկում հետաձգել հաջորդ նիստին, քանի որ խմբակցությունը լրիվ չի ծանոթացել բյուջեի հատվածներին: <<Քաղաքացիական պայմանագիր>> խմբակցության անդամ Նաիրա Մանուչարյանի ելույթին հակադարձեց <<Միասնական Վարդենիս>> խմբակցության ղեկավար Դավիթ Շահնազարյանը և պնդեց, որ օրակարգում ընդգրկված հարցերը հետաձգելու պատճառ չկա, հարցերը տրամադրված են եղել խմբակցություններին ժամանակին և նրանք ունեին ժամանակ ուսումնասիրելու հարցերը իրենց հավելվածներով, ինչպես նաև նշեց որ բյուջեի հարցի քննարկումը նախատեսված է ըստ օրենքի տարեսկզբին: Օրակարգը հաստատելու համար հարցը դրվեց քվեարկության, արդյունքում 21 կողմ, 0 դեմ, 0 ձեռնպահ ձայների հարաբերակցությամբ օրակարգը հաստատվեց 12 հարցով: