|
Ելույթով հանդես եկավ համայնքի ղեկավար Ահարոն Խաչատրյանը` ներկայացնելով օրակարգի երրորդ հարցը: Համայնքի ղեկավարը նշեց որ տվյալ հարցը բացմիցս քննարկվել է և՛ համայնքի ավագանիների հետ, և՛ բնակչության հետ, երկու անգամ հանրային լսում է իրականացվել, արդյունքում դրական եզրակացության են եկել: Հարցի շուրջ ելույթ ունեցավ <<Քաղաքացիական պայմանագիր>> խմբակցության ղեկավար Նաիրա Մանուչարյանը, ով ևս ներկա է եղել 27.06.2023 թ.-ին տեղի ունեցած հանրային լսմանը և ինքը ևս համամիտ է այն մտքի հետ, որ ճիշտ կլինի նվիրատվություն կատարել: Հարցի շուրջ այլ առաջարկություններ և առարկություններ չեղան: Հարցի քննարկման ընթացքում ավագանու նիստերի դահլիճից դուրս եկան <<Միասնական Վարդենիս>> խմբակցության ղեկավար Դավիթ Շահնազարյանը և <<Քաղաքացիական պայմանագիր>> խմբակցության անդամ Ռաֆայել Խչեյանը: Քվեարկության արդյունքում 23 կողմ, 0 ձեռնպահ, 0 դեմ հարաբերակցությամբ հարցն ընդունվեց։
|