Ելույթով հանդես եկավ համայնքի ղեկավար Ա․ Խաչատրյանը ներկայացնելով, որ անհրաժեշտություն կա ձևավորելու համայնքային ծառայության մրցույթային և ատեստավորման հանձնաժողով և այդ հանձնաժողովի կազմում պետք է ընդգրկված լինեն ավագանու անդամներ, ուստի առաջարկեց, որ մեծ խմբակցությունները առաջադրեն ավագանու 2 անդամի, իսկ փոքր խմբակցությունը 1 անդամի։
Ելույթ ունեցավ <<Քաղաքացիական պայմանագիր>> խմբակցության ղեկավար Նաիրա Մանուչարյանը և առաջարկեց իրենց խմբակցության կողմից առաջադրել 3 ավագանու անդամի, ինչին ի պատասխան համայնքի ղեկավար Ա․ Խաչատրյանը ասեց, որ պետք է շարժվել սահմանված  կարգով՝ մեծ խմբակցությունները 2-ական անդամ, իսկ փոքրը՝ 1։
Հարցը դրվեց քվեարկության՝ արդյունքում 14 կողմ 0դեմ 10 ձեռնպահ ձայների հարաբերակցությամբ համայնքի ղեկավարի առաջարկությունը համարվեց ընդունված։
Ելույթով հանդես եկավ ավագանու անդամ Վարդան Մարգարյանը՝ համայնքային ծառայության մրցույթային և ատեստավորման հանձնաժողովի կազմում որպես <<Միասնական Վարդենիս>> խմբակցության թեկնածու առաջարկեց Դավիթ Շահնազարյանին։
Ելույթ ունեցավ ավագանու անդամ Սևակ Սիմոնյանը և ներկայացրեց, որ <<Քաղաքացիական պայմանագիր>> խմբակցության կողմից  համայնքային ծառայության մրցույթային և ատեստավորման հանձնաժողովի կազմում թեկնածու չի առաջադրվում։
ելույթով հանդես եկավ ավագանու անդամ Կարեն Մկրտչյանը և ներկայացրեց, որ <<Ահարոն Խաչատրյան>> խմբակցության կողմից համայնքային ծառայության մրցույթային և ատեստավորման հանձնաժողովի կազմում առաջադրվում են ավագանու անադմներ Արման Մաթևոսյանի և Սաթենիկ Մինասյանի թեկնածությունները։
Հարցը դրվեց քվեարկության արդյունքում 14 կողմ 0 դեմ 10 ձեռնպահ ձայների հարաբերակցությամբ հաստատվեց առաջադրված թեկնածուների համայնքային ծառայության մրցույթային և ատեստավորման հանձնաժողովի կազմում ընդգրկելու հարցը։