|
Համայնքի ղեկավար Ա․ Խաչատրյանը մինչև օրակարգին անցնելը ներկայացրեց Արցախից բռնի տեղահանված մեր հայրենակիցներին տրամադրված օգնությունների մասին հաշվետվություն՝ նշելով, որ առաջին անհրաժեշտության ապրանքներ արդեն ստացել են գրեթե բոլորը, այսպիսով փոխել ենք աջակցության տեսակը, անցել ենք հերթական գործողություններին, որոնք կնպաստեն արցախահայերի Վարդենիս համայնքում հիմնական բնակություն հաստատելու համար։ Համայնքի ղեկավարը անվանական ներկայացրեց ապրանքների ցանկը, որոնք տրամադրվել են արցախահայերին՝ մի շարք կազմակերպությունների և անհատների կողմից։
Համայնքի ղեկավարը անդրադարձավ 2023 թվականի ընթացքում համայնքի տարածքում իրականացված սուբվենցիոն ծրագրերին՝ նշելով, որ շինարարությունների մեծ մասն արդեն ավարտվել է, մնացածի մասով հույս հայտնեց, որ մինչև տարեվերջ բոլոր աշխատանքները կավարտվեն։
2023 թվականի նոյեմբերի 29-ին ժամը 14:00-ին կայացավ Վարդենիս համայնքի ավագանու հերթական նիստը։ Ավագանու 27 անդամներից նիստին ներկա էին 24-ը, բացակայում էին <<Քաղաքացիական պայմանագիր>> խմբակցության ավագանու անդամներ Արամ Մելքոնյանը, Արտակ Մանուկյանը և Ռոմելյա Սարգսյանը։ Նիստը իրավազոր է։ Նիստը վարում է համայնքի ղեկավար Ահարոն Խաչատրյանը։ Նիստին մասնակցում էին աշխատակազմի ֆինանսատնտեսագիտական եկամուտների հաշվառման և հավաքագրման բաժնի պետ Սեյրան Գրիգորյանը, աշխատակազմի կրթության, մշակույթի սպորտի, երիտասարդության և սոցիալական աջակցության բաժնի պետ Աննա Վարդանյանը, քաղաքաշինության հողօգտագործման և հողաշինության բաժնի պետ Աբգար Աբգարյանը, համայնքի ղեկավարի մամուլի քարտուղար Էդգար Պետրոսյանը և հրավիրված այլ անձինք։
Համայնքի ղեկավարը ընթերցեց օրակարգի հարցերը և առաջարկեց 10-րդ հարցից հետո որպես լրացուցիչ հարց ավելացնել Մեծ Մասրիկ բնակավայրի բնակիչ Շահեն Մանուկյանի դիմումը՝ ավտոմեքենայի ապառքի զիջման վերաբերյալ։
Քվեարկության արդյունքում 24 կողմ, 0 դեմ, 0 ձեռնպահ ձայների հարաբերակցությամբ օրակարգը հաստատվեց։
|