Հարցը ներկայացրեց համայնքի ղեկավարը՝ նշելով, որ նախկինում կնքված պայմանագիրը լուծարվել է օրենքով սահմանված կարգով, հետևավար անհրաժեշտ է կնքել նորը և Վարդենիս համայնքի սեփականություն հանդիսացող, 05-065-0039-0009 կադաստրային ծածկագրով, Մեծ Մասրիկ բնակավայրի 4-րդ փողոց 5-րդ նրբանցք 13 հասցեի 0,10286 հա բնակավայրերի հասարակական կառուցապատման հողամասը և 235,18 քմ ուսուցչի տունը 10 (տասը) տարի ժամկետով, անհատույց օգտագործման իրավունքով տրամադրել՝ Տարեցների առողջության և խնամքի ապահովման ասոցիացիային:

Ելույթով հանդես եկավ ավագանու անդամ Դավիթ Շահնազարյանը՝ առաջարկելով ավագանու որոշման նախագծում կատարել փոփոխություն՝ 1-ին կետով ուժը կորցրած ճանաչել համապատասխան /Վարդենիս համայնքի ավագանու 26 դեկտեմբերի 2022 թվականի N 136-Ա/ որոշումը և 2-րդ կետով թույլատրել համայքի ղեկավարին Վարդենիս համայնքի սեփականություն հանդիսացող (կադաստրային ծածկագիր՝ 05-065-0039-0009, սեփականության իրավունքի վկայական՝ 14052021-05-0060) Մեծ Մասրիկ բնակավայրի 4-րդ փողոց 5-րդ նրբանցք 13 հասցեի 0․10286 հա բնակավայրերի հասարակական կառուցապատման հողամասը և 235․18 քմ ուսուցչի տունը 10 (տասը) տարի ժամկետով, անհատույց օգտագործման իրավունքով տրամադրել Տարեցների առողջության և խնամքի ապահովման ասոցիացիային:

Հարցի վերաբերյալ առարկություններ և առաջարկություններ չեղան:

Քվեարկության արդյունքում 17 կողմ, 0 դեմ, 0 ձեռնպահ ձայների հարաբերակցությամբ հարցն ընդունվեց ավագանու անդամ Դավիթ Շահնազարյան առաջարված ձևով: