Ղեկավարվելով ՀՀ «Տեղական ինքնակառավարման մասին» օրենքի 18–րդ հոդվածի 42-րդ կետի դրույթներով, հիմք ընդունելով Հայաստանի Հանրապետության դատախազության Գեղարքունիքի մարզի դատախազության 2024 թվականի հոկտեմբերի 02-ի թիվ 61-980/24 գրությունը՝ համայնքի ավագանին որոշում է.
1. Հայաստանի Հանրապետության իրավասու դատարան հարուցել համայնքային շահերի պաշտպանության հայց՝ ՀՀ Գեղարքունիքի մարզի Վարդենիս համայնքի Փոքր Մասրիկ բնակավայրի տարածքում գտնվող 225 հա հողատարածքը Նորայր Զաքարի Շահինյանին, Անահիտ Վոլոդյայի Մուրադյանին, Դերենիկ Զաքարի Շահինյանին, Հենրիկ Սերյոժայի Շահինյանին, Լևոն Խաչատուրի Մանասյանին, Ռոբերտ Անուշավանի Վարդանյանին և Սամվել Վեմիրի Մկրտչյանին վարձակալության տրամադրելու վերաբերյալ 2002 թվականի հունիսի 08-ին անցկացված մրցույթներն անվավեր ճանաչելու և որպես հետևանք՝ հիշյալ մրցույթների արդյունքում 2003 թվականի դեկտեմբերի 29-ին Գագիկ Սարոյանի և Նորայր Շահինյանի միջև կնքված 35հա հողամասի վարձակալության պայմանագիրը, 2006 թվականի ապրիլի 03-ին Գագիկ Սարոյանի և Անահիտ Մուրադյանի միջև կնքված 73,7 հա հողամասի վարձակալության պայմանագիրը, 2003 թվականի դեկտեմբերի 29-ին Գագիկ Սարոյանի և Դերենիկ Շահինյանի միջև կնքված 39,5 հա հողամասի վարձակալության պայմանագիրը, 2004 թվականի օգոստոսի 04-ին Գագիկ Սարոյանի և Հենրիխ Շահինյանի միջև կնքված 12 հա հողամասի վարձակալության պայմանագիրը, 2003 թվականի դեկտեմբերի 26-ին Գագիկ Սարոյանի և Լևոն Մանասյանի միջև կնքված 31,8 հա հողամասի վարձակալության պայմանագիրը, 2006 թվականի սեպտեմբերի 08-ին Գագիկ Սարոյանի և Ռոբերտ Վարդանյանի միջև կնքված 3 հա հողամասը վարձակալության հանձնելու մասին պայմանագիրն ու 2006 թվականի մայիսի 04-ին Գագիկ Սարոյանի և Սամվել Մկրտչյանի միջև կնքված 30հա հողամասը վարձակալության հանձնելու մասին պայմանագիրն անվավեր ճանաչելու համար։
2.Սույն որոշումն ուժի մեջ է մտնում ստորագրման պահից։