|
2022 թվականի հունիսի 7-ին կայացավ Վարդենիս համայնքի ավագանու հերթական նիստը։ Ավագանու 27 անդամներից նիստին ներկա էին 25-ը։ Նիստին մասնակցում էին աշխատակազմի ֆինանսատնտեսագիտական եկամուտների հաշվառման և հավաքագրման բաժնի պետ Սեյրան Գրիգորյանը, Հայաստանի տարածքային զարգացման հիմնադրամի ներկայացուցիչներ և այլոք։ Նիստն իրավազոր է։ Նիստը վարում է համայնքի ղեկավար Ահարոն Խաչատրյանը։ Համայնքի ղեկավար Ահարոն Խաչատրյանը նիստը համարեց բացված։
Ահարոն խաչատրյանը ներկայացրեց օրակարգը։
Օրակարգի վերաբերյալ ելույթ ունեցավ ավագանու անդամ Վարուժան Ավետիսյանը՝ առաջարկեց օրակարգից հանել <<ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ՎԱՐԴԵՆԻՍ ՀԱՄԱՅՆՔԻ ՆԱԽԿԻՆ ԱՎԱԳԱՆՈՒ ԱՆԴԱՄՆԵՐԻ ԿՈՂՄԻՑ 2021 ԹՎԱԿԱՆԻ ԸՆԹԱՑՔՈՒՄ ԿԱՏԱՐԱԾ ԾԱԽՍԵՐԸ ՓՈԽՀԱՏՈՒՑԵԼՈՒ ՄԱՍԻՆ>> հարցը։ Որոշվեց հարցը դնել քվեարկության և արդյունքում 14 կողմ 10 դեմ ձայների հարաբերակցությամբ հարցը հանվեց օրակարգից։ 14 կողմ 10 դեմ ձայների հարաբերակցությամբ օրակարգը հաստատվեց։
|