Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 5-րդ կետով, 38-րդ հոդվածի 1.1 կետով, <<Բյուջետային համակարգի մասին>> Հայաստանի Հանրապետության օրենքի 32-րդ հոդվածի դրույթներով, <<Նորմատիվ իրավական ակտերի մասին>> Հայաստանի Հանրապետության օրենքի 34-րդ հոդվածի դրույթներով և հաշվի առնելով Վարդենիս համայնքի ղեկավարի առաջարկը` համայնքի ավագանին որոշում է թույլատրել համայնքի ղեկավարին.
1.Վարդենիս համայնքի 2020թ.համար հաստատված բյուջեում կատարել հետևյալ փոփոխությունները և լրացումները՝
1) Թույլատրել համայնքի ղեկավարին պահուստային ֆոնդից որպես համայնքի կողմից ներդրում 1․219․800 /մեկ միլիոն երկու հարյուր տասնինը հազար ութ հարյուր/ ՀՀ դրամ հատկացնել 4657 տնտեսագիտական հոդվածին Վարդենիս համայնքի արոտավայրերի կառավարման, բարելավման, ենթակառուցվածքների վերականգնման, ջրարբիացման և կառուցման աշխատանքների համար: Ծրագրի ընդհանուր բյուջեն կազմում է 24.396.000 ՀՀ դրամ՝ համայնքի կողմից ներդրում 1․219․800 /մեկ միլիոն երկու հարյուր տասնինը հազար ութ հարյուր/ ՀՀ դրամ:
2) Թույլատրել համայնքի ղեկավարին պակասեցումներ կատարելու հետևյալ գործառնական դասակարգման տնտեսագիտական հոդվածներից. 08-02-03 (մշակույթի տներ) գործառնական դասակարգման 4239 տնտեսագիտական հոդվածից պակասեցնել 3.000.000(երեք միլիոն)ՀՀ դրամ, 01-01-01-51 գործառնական դասակարգման 4111 տնտեսագիտական հոդվածից պակասեցնել 5.000.000/հինգ միլիոն/ ՀՀ դրամ: 8.000.000/ութ միլիոն/ ՀՀ դրամ ավելացնել 04-05-01-51 գործառնական դասակարգման 4213 տնտեսագիտական հոդվածին կոմունալ բարեկարգում իրականացնելու համար:
3) Միաժամանակ թույլատրել համայնքի ղեկավարին 2020թվականի ընթացիկ բյուջետային ծախսերը կատարելուց հետո վարչական բյուջեի բոլոր գործառնական դասակարգման ծախսերի նախահաշիվներում մնացած գումարները պակասեցնել, ըստ տնտեսագիտական դասակարգման հոդվածների և այն ավելացնել պահուստային ֆոնդին, այնտեղից տեղափոխել ֆոնդային բյուջե՝ սուբվենցիոն ծրագրերով իրականացված աշխատանքների պարտավորությունները վճարելու համար։